Wp/ses/Sooni Jenne diiyanoo

Tumbutu no, sooni goo kaŋ a na wangu soolu jenne se. jenne goo nda wangiize, wangaaruyaŋ, jenne goo nd’alman, bayray koyniyaŋ goo jenne ra, sooni ma jenne alhabar kaŋ ampir di maali na cee 99 tee a ga wangu tunandi nga ma jenne ŋaa, a mongu, a bisa jenne ga. Sooni nda nga wangiizey na jine tee jenne see, sooni koy man jenne, jenne kanfarey na kubay. Kanfari jinaa kaŋ na kubay ti tunkoy, a goo wangiize jamaa jamayaŋ jine jerey goo bari ga, cindey goo cee ga, jenne wangiizey goo nda wangu jinay, afooyaŋ ga bursu kar, afooyaŋ ga kakara kar, afooyaŋ ga biraw kar, hanoo kaŋ tunkoy nda sooni wangey daaba cere ga, cijinoo bere a tee zaari, z’I ga cere wi, sooni baa k’I ben, tunkoy na fondaa feeri, borey kaŋ mana buu zuru. Sooni bisa, a too jine sooriyakoy ga tee jenne kanfari beeri, a goo nda wangiize boobo wangaarey nee woo ti haya kaŋ si tee, ngi nda sooni wangey daaba cere ga, I na cere kar I na cere wii, sooriyakoy wangey feera (annasaara mane mizan deerut) Allahu akbar mayga sooni bisa, kanfari hinzantoo yeeka sooni turuupoo kubay, sooni n’I say, koy man jenne, jenne koy nda wangiizey na kubay I na cece kar, I na cere wii, jenne koy yee bande ka huru koyraa ra, zaari kul jenne nda nga wangiizey ga fatta ka wangu sooni bande hala handu iddu, I ma fay woo ra hala haroo huru, a na jenne kuubi a na bere, woo ga jenne soobay ka feraw kar, I ga ceta cin ka jenne wanga kaŋ ra sooni ma si huru jenne ra, sooni too ka goro hondu boŋ kaŋ s’I ga nee: “ni batu ay”; sooni kanfaroo kaŋ ti hiikoy na harihii 400 kaŋ hii foo kul sooja 160 ka koy 200 bar’a ra, hiyey na jenne kuubi I na bere jenne huru ambargo, boro si huru, boro si fatta, jenne heray, maamalaa kay, I ma nafay woo ra, alfagey nda taalibey ga caw, I ga irkoy ŋaaray sooni ma si huru jenne ra, jenne koy buu, boŋkoynitaraa talfi alfaa beeroo ga, jenne koy buu ka izaaru foo naŋ kaŋ goo nda jiiri 12. Alfagaa din na meeri goy kaŋ too alfagey zogu ngi taalibey ni taalibey n’I fattandi tukuyan ra sooni nda nga wangiizey mana bay nee ga boro tee kaŋ koy alhabaaroo har sooni se, a nee a se a si koy misa tee kaŋ na jenne noo šenday; sooni n’a se nga mana kaa williyan se, nga si koy jine nga si yee banda kala nga ma jenne ŋaa. Alfagaa kaŋ goo jenne koy dogoo ra na jenne koy izoo kaarandi bari ga, I kaa ka booya sooni se, I na Bismilla, sooni huru jenne ra, amma nga ma huru jenne koy wandoo ga wana hin ka tee, gondi nda donton na ganji a ma kani, ngi da mana haya hasara sooni, mayga, woo ganoo buu hampoo ra, hampoo si zinji soko waa ganoo ma mun, nda waa ganoo mun amma tee kuri bii, nd’a tee kuri bii amma tee boneɲaa kaŋ mana ti bonayze mayga ay nee jiri foo nda handu foo nda jirbi woy no sooni na tee hal’a ga jenne ŋaa.