Wp/ses/Sooga didigaroo

Sooga didigaroo. Alwaati kul kaŋ wanka aru too sooga, jiiri 17 ka koy 22, alaada ra, waani waani fulaŋey doo, a ga hima ka didiga, fatala, boro fooyaŋ ga n'a se šaaši haw boŋoo ga. A mana ti misa kacciw, a si moora hiijew, zank'aru kaŋ didigaa ga tee, alwaddaa kul ga marga ngi hangasinoo hugo ra, hugu beeri no ma cina misoo se, subu hugu, zankaa hugoo borey ga duu alhabar, i ga hun koyra fooyaŋ ra ka kaa, boro kul hug'izey ra ga kate kambuzaamay, zankaa ga hur darbey sorhantayaŋ ra, aru beeri kaŋ ga waani didigayaŋ no m'a didigi, jirbiyyaa kul rahawroo ga hina, almaney ga buu, alwadaa ga yahadar alaasar, boraa kaŋ didigaroo tee nda cerey ga fatta ka windi koyraa bande, hugu kaŋ d'i too kul wala bora kaŋ i na kubay kul i ga duu taašu wala nooru wal'alman, jirbiyye banda ga didigaroo batu ga ben, boraa huru arey ra, a ga hinka hiiji.