Wp/ses/Siisihii

Za annasaarey ga, ka kaa Maali ma duu nga borcinitaraa hala hõ, siisihiyoo ga tun isaa bande kulikoro hala gaawo m’a dii kaydiya ra hala jiyaa benentaa. Hanoo din šalaŋey no ma jinay beeroo zaa waani waani taasoo, šalaŋey ga tee sanda konteneryaŋ kaŋ ga dobu cere ga, boŋoo kaŋ ra marsinoo goo g’i kursu haroo boŋ, šalaŋey ga hansa ka jinay zaa, woo kaŋ ti šiisihiyoo, I ga n’a se batowoo ga jinay zaa, a ga boro zaa, jinaa ga huru ganda, borey goo soorawey nda pomoo ra, soorawey goo nda huguyaŋ kaŋ ga coda, amma nda g’i ra, i g’i ŋaandi, ni ga duu taka hennayaŋ hala ni ga too ni zumbu dogoo ra. Furšey nda žandarmey nda soojey ga lakkal baani ma tee naaru nda soojey ga lakkak baani ma tee naarumaa ra, a si boro se fonda ra ma huru ka naaru siisihiyoo nda mana hiihay bana, woo din ra, fondaa bande I ga borey hãa nda biiye kaŋ ga cebe kaŋ ni bana, nda boro somoogol, I g’a cee k’a zucce. Kaŋ moobiloo mana boobo, pinaasoo no mana boobo, naarumaa kul si tee kala nda šiisihiyoo, nga koyroo nda nga karoo kul a ga fanja hala keyfi. Siisihiyoo na haya hanse, a na waynahunay ndawaynakaŋay sogu cere ga, a na alkabilawey ka goy nda cere, ka cere dii, ka baa cere, woo bisa haya kul ; maamala ga dira , a tee sababu kaŋ n’alman daŋ koyrawey nda Maali kul se hala jiiri 2023 ga,kaŋ ra Maali iberey na tumbutu ton, batowey mana ti kala Tunbutu k’i na ton sektanbur 2023 ra, Adullaahi Sumaare, Kanku Muusa. Za tonroo tee, siisihiyey diraa kay, a tee senday Maali se, a tee senday maamalakey nd’alfarey se. Kala hari ma gum nuunaa ra hala siisihiyoo ma hin ka fondaa zaa.