Wp/ses/Siidi Barka

A mana ti kala minika boro, a caw minika nda maali koyra tanaa ra, a goo lokkoley ra, mušewey lokkoloo, nee din n’a fatta ka tee cawandikaw muuše, a na tee ka koy minik nga koyraa ka cawandi jiiri booboyaŋ hal’a ga tee kapoo ra konseya, siidi barka ga tee koyriize kaŋ ga baa minika boŋkoyney ga naanay a, I ga baa ga, koyraa borey ga faham ga goyoo se, woo ka too I na naanay daŋ a ga k’a tee soosiyete siwiloo se pereezidaŋ minika laamaa kul tenje, hanoo kaŋ hinoo na kondaa kaŋ ga hawgay ndda wootawey anniyaa zaa minika tenje siidi barka ga minika borey waafaku k’a tee AIGE se jinahun, a tee hinoo goykow beeri, a goo borey ra kaŋ ga faasa goykey ma duu ngi alhakey, I ma si dii keyna nda šenday woo ga hanoo kaŋ goyteerey kondaaa ga huru I filla k’a tee UNTM se jinehunminika tenjo ra, woo ga siidi barka mana tee boro koono, woo kul bandaa ga tee kašeeta hinoo se, a wuuru daŋ faabakey se, I ma faaba safari nda hunay nda hugu nda hari here, handoora a ga hun jiiraa ra, malfakoy yaŋ tee kaŋ na haamay k’a ka huru saajoo ra, I ga bayrandi kaŋ jihaadisiyan no, hõo utu handoo jirbi waranka, alfazaroo minika nda maali kul duu alhabar kaŋ I na hundoo jaŋaa daŋ a ga. Irkoy ma hin’a ga k’a daŋ aljanna izey ra.