Wp/ses/Seeyaadu (SEAD) kondaa

Seeyaadu ga tee konday kaŋ ra gaawiize boobo cindi, borey kaŋ no ga tee cawkowyaŋ kaŋ benandi nda lokkol, i duu šahada beeriyaŋ. Maali hinoo kaa a si hin ka boro boobo sanbu, hinoo goyoo ra, woo kate annasaara jiiri 1987, boroyaŋ na cere marga ka konday tee goy ceeciyan fondaa ra, ngi lakkaley ngi ma hin ka jesedaŋ koyra kanbey borey se, k’i kunahenay, k’i cawandi cerediyan fondaa ra nd’alfaritaray, sorkotaray, adabba biiriyan ra, maamala fondaa ra, fanjari juwalyanoo ra. Seeyaadu tamba ka tee onže (ONG) kaŋ Wiziyon Monjal na goyyaŋ talf’a ga. Seeyaadu goo nda akor kadar ngi nda hinoo cattakasinaa ra, akor kadoroo tii ti 0035/000122. Seeyaadu duu bayer boobo, i na porože boobo dirandi Gaawo laamaa kul ra, Maali hinoo na fondayaŋ tee a se cee boobo nda ngi goy hennaa, koyrawey borey, hondoo waney nd’isaa waney ga yadda seeyaadu goyoo ga, i g’a bay nda laadiri taray nda koyraa bajoo. Hõ seeyaadu wakkiloo ti Ibiraahim aga Moohamed. Kayroo kaŋ tee 2012 ka kaa seeyaadu duu senday faaba here, koyrawey ga hansa ga durru Seeyaadu faabaa ga.