Wp/ses/Saharawi misoo

Maaroku ga tee ganda kaŋ goo Afiriki sahara ra, a ga hirri nda alžeeri. Zaman gaya laboo ceraw fa ture, i ga ngi borcinitaraa wiri ka tee gandaa jere ga; Maaroku mana yadda, i mana fay i ga cere wangu, aduɲɲa konday beeroo (onu) ceeci ka waafakandi, alžeeri kara Saharawi borey ga kaŋ ga ngi borcinitaraa wiri, takaa din no nda annasaara koyra boobo lakkaley ti saharawi ma tee ganda nga boŋ ga, a tee cerehooyan alžeeri nda Maaroku alwakiitaray nda cere game, misoo šendi amma woo kaŋ irkoy boona de ma tee, jirbey wey onu margaw beeroo kaŋ tee ra, arey ma cere kubay, i na misoo guna, saharawi, saharawi ma tee ganda jere ga wal’a ma cindi ka tee areežiyoŋoo Maarok se, a ma bara nda ng'almanoo, nga juwa cere cerantaa? Wote tee, jinde woy cindi foo yadda saharawi ma si hun Maarok juwaloo cire, amma a ma nga boŋ dabari; jinde hinza mana selaŋ Alžeeri mana kaa margaa ra, boro kul mana nee saharawi tee ganda. Misoo na alžeeri binoo maray, cin ma kokor alžeeri nda Maaroku cere game šattakasinay fonda ra? Irkoy ti baykaa.