Wp/ses/Saddiɲa teeyan

Saddiɲa (sardiŋa) teeyan ga baa laasaabay nda sooluma hala ni na n’anniyaa zaa, naanay kaŋ ni batumaa goo ni kone, mayray ra wala hiiyan ra; a ma bara hari ga (isa, doy, fooraži), jejebu ma bar’a ga, sanda kali, a tee giriyaaži (seseri) wala karji kali wala haya kaŋ ga muraadoo tee; ni batumaa laboo ma boori nd’a goo nda senday ma sendawey hansa n’i ga hinka hansa, sanda laboo ga hansa ka tee labudiini wal’a ga hansa ka tee labu taasi, wal’a goo nda soso, labu ciiri nd’a ga tee labu diini k’a hansa nda almaamey dindimaa wala galankaaru k’a hansa nda dumaraa waatoo too tunandi ma ni fangaley kar, ma dindima kaŋ zen, bere boobo daŋ fangaley ra, m’a kaasim ma fangaley gundey kanandi, i ma si hondu nda gooru, fangaley jesey ma nin, kabu ga ma ni teewaa dogoo hansa ka boori, naŋ gandaa ma yey ka saya, a ga gar doowiizoo gasoo keyri. Ni dumaraa soolu, i ma tee hayayaŋ kaŋ goo nda duura sanda tamaati, puwaworoŋ, toka, laahoy, albasar...

Ni kabahunaa ma boori, hawgay jaw ma si duu ni teewiizoo, subu laalaa kaŋ ti doogaa ma hun alwaatoo ra, nda teewiizoo too tilami ma tilam haya banda ga kaŋ fangaley tay ka boori, lakkal dumaroo ma si hosu, ma baykey hã nd’adadey saajawra ma hanga cere bande hala hegaa ma too sardiŋa daŋyan ga tee goy me beeri kaŋ ga alaayan zaa nd’a tee nda fonda.