Wp/ses/Ntahaka

A ga too jiiriyaŋ kaŋ wura bangay Ntahaka (Untahaaka) kaŋ goo Intiliti kominoo ra, ir Gaawo ganda. Annasaarey ka nongoo bangandi haya banda ga kaŋ i na ngi muraadoo tee, dabari zaaray i na borey taŋ nda juwaloo huru boro laaley kone, fondaa feera boro dumi kul se ka duu ka gundaa ka zabandi, nongoo tee baytal hinoo si duu a ra nafaw kul, ir Gaawo borey ga tee miskiiniyaŋ kaŋ si hin ka wuraa fansi, wuraa fansiyan kal’alman beeri, ganda fooyaŋ alman koyney kaa nda ngi goyjinawey k’alman fanji, ir Gaawoo huuga nda maamala buunaa, surguborey nda borobii foofooyaŋ ga hiyey ka boro zaa, ka jinay zaa, sendawey mana dunbu, doo nda caray; hundi torrayan tee alaada haya. Jamaa kaŋ mursu hundey ra nda ngi almaanoo ra, hini si, gaabi si. Maali hinoo bay ka lahabar tee ka nee batumaa huru soosiyete kaboo cire ka goy ka Maali baytal almanoo tonton, sennoo tee a gay; jirbey wey soojey wakkilooo gaawo tenje keyandi borey ma batumaa naŋ nee nda nowambur jirbi 20 jiiri 2025, boro kaŋ mana boŋdum ga alhukumoo gar jinoo ra. Kašeetaa šendi, batuma ga naŋandi wal’a si naŋandi ? Jirbey kaŋ ga kaa g’ir noo boŋfeeray.