Wp/ses/Nooru hasaraw si boori

Isa ga tee sooga kaŋ baa nga ma koy annasaara labu ra hala nga ma tamba ka duu nooru, nga ma jaŋay kaa nga hugoo borey ga. Woo din ra hugoo borey na kabuza hala nga hihayoo ma tee, hasa na nga hawoo neere, borey jerey na ngi wuragoo neere, boro fooyaŋ na ngi feejey neere, nkaŋ na nooru kaa, hugoo boraa ful na nga hinagoo tee; isa koy nga naarumaa ra, a hin ka koy too espaaɲ, a na nga jiirey tee, a yeha kaa. Isa kaa, borey na kubay nda bina kaanay nda cimi isa kate nooru, za a ma kaa yaaraa mana dunbu, almaney ga buu, isa ga walima tee zaari kul, kurboo ga hẽe, albarraada si zunbu, garaasey ga duu nooru, boro kaŋ kaa kul si koy kaba koonu, kussey si zunbu, misoo koy too hala handu hinka, ihinza banda isa nooroo ben, borey kaŋ duu ngi hunaa dogoo dira, garaasey dira, isa nda na hugoo borey willi ngi taka zeenaa ga. Woo ti hasaraw, nooru hasaraw, nooroo kaŋ isaa kata ga hin ka hihayoo kaŋ borey na kaa willi dogoo ra, a ma hugoo borey almaanoo tonton, goymeyaŋ ma feera maamala fonda ra nda kabagoy fonda ra hugoo soogey se. Ir ma gagay nooru hasaraw ga.