Wp/ses/Nkuura

Nkuura

nkuura ga tee addaba kaŋ ga duwandi ir isaa ceewoo bande,hanoo hane a s'i deray soŋay ize kul se, waani waani zankey, hari koogay ka too kaydiya i g'a fiši lalabawey cerewey bande nda zoobey ra.

nkuura cindi ka bara nda boobayan, haroo wanoo goo no, guraa wanoo go no. guraa wanoo noona ga hima labu dii ni nda biiri doona, haroo wanoo ga firẓi alhaali,fayanka kaŋ goo aroo nda woyoo game ti cewey, wayoo cewiizey ga fesufesu sanda gorga wanayaŋ, aroo waney ga tee mane tonkono waneyaŋ. za haroo wanoo hala guraa wanoo,guururi no i ga daŋ laboo ra, gura ga, guurey ga fomba ng'i boŋ se. nkuura ga haya kul ka huna (subu, tasu, hamiisa, gamgam). nkuura ga silbey nda nga gaasu šenda,gasoo ga tee haya kaŋ g'a hallasi za a na haya mate kaŋ s'a si faham,a ga boŋoo nda Cewey willi gaasoo cire, a ma tee sanda tondi jisanta,soŋay ga doona ka nee nkuura karukaw no ma nga miimi dogoo bay. nga takaa ga baa wanay a ga baa doonay. ka duu ka nkuura ŋaa kala ma jindoo kaa, ma hin ka duu boŋoo ka jindoo kaa, kala m'a hangasandi,wala ma ceraa nongu baana naagu kul a ga boŋoo kaataray ma hin k'a dii ka jindoo kaa. ceraa nd'a ga foora, k'a hina, k'a ton,hamoo sanda gorga ham,a ga kan gumo, guuri ga hin ka duwandi gundoo ra, i g'i hina wala k'i ton kunturoo bande k'i ŋaa. nkuura kabilawey ga boobo,a goo i ra yuumay kaŋ ga huna haroo ra sanda hamiisa,a ga yuttu nda nkuura, gaasoo si šendi, sorkey ga duu'a sankawey ra, a goo no farangaasu kaŋ ga boobo ka biirandi, a ga beeri nda nkuura. nkuura bay ka deray isaa ceewoo bande, zanka boobo s'a bay,i ga humbur'a nd'i di'a amma a goo ma yee kate, a si haya hasara boro se.