Wp/ses/May ti Ba Ndaw

Kolonel maažor Ba Ndaw huru adurɲaa ra ut handoo jirbi 23 jiiri 1950 Saŋ koyraa ra, Seegu laamaa ra, haya banda ga kaŋ a duu bakoo šahada, a huru soojataray žuweŋ handoo ra jiiri 1973 banda ga hinoo n’a sanba Uniyoŋ soowiyetik ka beenehii hunyan dende. Jiiri 1976 Ba Ndaw huru soojey kanboo ra kaŋ ga wangu nda beenehiyey, a duu šahada faransi ra wangu fondaa ra, a caw soojey lokkoloo ra kaŋ goo Kulikoro, a hawgay nda Muusa Tarawele, a tee soojey kanboo kaŋ ti arme de ler se boŋkoyni, a tee gardey se boŋkoyni hinkante, a tee žeeni militer se jinehun. Za jiiri 2008 Ba Ndaw tee sooja zeeney se jinehun, a goo nda jala kaŋ ti ofisiye de lorduru naasiyonal, a duu meeday soojotaray fondaa ra, a šelaŋ, a ga hantum faranse nda ingillisi (angele) nda riisi senni ra, a ga šelaŋ nda banbara senni, Ba Ndaw tee soojey minisiteroo me handoo jirbi 27 jiiri 2014, a tee parsidan taranzisiyoŋoo se hala Haašimi Goyta hinoo k’a zumandi.