Wp/ses/Margaw kaŋ tee Sooni Ali Ber kominoo ra

Sooni Ali Ber ga tee Gaawo serkiloo kominey affaa, nga koyraa kaŋ ra meeriwoo goo ti Forgo Soŋay. Gorgo Soŋay goo kukoo 25 ka koy kilo 30 Gaawo koyraa se. Forgo meeriwoo ra, ašuto nowambur jirbi yaahaa margaw dira kaŋ ra meeri jinahuney koyra boŋkoyney kondawey borey,woyey, soogey nda šattakasiney na cere kubay, ka laasaabay tee, ka fahamandiyan tee baytal,almaanoo kaŋ ga cinaroo tee, a ga huru koyrawey nda kominoo kul almušakkey ra, hun dogoo, koy dogoo. Baytal almanoo hawgay fondawey, kul fahamandoo tee. Borey maa kaŋ ka ngi boŋ faaba, i ma duu ka ni faaba. Faabarey boobaa si duwandi kala nda ni kokaroo, wurru tee hala boro kul ma n'alkaašoo daŋ, ma ni taksey bana, kominoo goyey ma hin ka tee, goy no kaŋ kominoo wakiiley g'a tee jiiri kul. Amma hongandiyan ga boori, cinariyan ga tee kominoo ra kaŋ kala hebu nooyan ma yeeka waafaku nd'ašariyaa, a ga boori borey ma bay ka tonton kaŋ borey nda kondawey nda antereepiriizey ma ngi bayraa nda ngi hinagoo heehee, naanay boŋ ga boro ga duu heboo, goyey da mo kala koyraa borey ma bara goyoo bande ka tabatandi nda nga booroo wala nda nga boori jaŋaa. Batoo dira nda himma.