Wp/ses/Maali laama margantaa

Ciyayan kaŋ ga koy baanoo nda cerediyanoo fondaa ra. Maali ir margantaa baaba hugoo goo alwaati šenda ra. Jarrabaa kaŋ g’a ga, siitaa kaŋ g’a ga sabbu se, a too ir ma cere fayaroo naŋ, ir ma cere gana cerediiyanoo fondaa ra. Alwaatoo too kaŋ ra ir ga hima ka cere hooyan naŋ, cere bande ir ma key ka cere dii baanoo, lakkal kanaa, cinaroo fondaa ra, ir mana ti kala jamaa foo, ganda foo. Šendawey k’ir duu a si hima k’ir yalaafandi, I ma hima k’ir noo gaabi, ir ma si dirŋa kaŋ irk ul ti ganda foo, annamu foo, taarik foo, a si nda ir mana ti dumi foo, wala addiina foo, wala areežiyoŋ foo, wey ga tee hayayaŋ kaŋ g’ir gaabandi. A tilasu boro foo kul ma key ka nga faabaa daŋ laboo se, ni lakkaloo, ni labiize henna taraa, ni kookaroo cinaroo fondaa ra. I m’ir zaara daŋ key faaba, ir soojey na ngi hundey noo hal’ir afoo kul ma duu baani, I g’arutaray cebe, a disi ir m’I faaba, ir m’a bay I se, ir m’I binandi a too I ma tonton ngi goyoo dirandiroo ga. Ir ma fay nd’I nee alhabaarey kaŋ ra cimi si, kaŋ si nd’alhakiika ga hasaraw tee nda malfa, I ga lakkal tunay daŋ. Humburay nda cere hooyaŋ Maali muraadoo hõo mana ti propaganda, ir ma tee alhabar teekow hennayaŋ kaŋ si haya har kaŋ ga labu say, ka lakkaltunay tee alwaatoo to kaŋ ra ir margantaa ma kay cere bande ka cebe duɲɲaa se kaŋ Maali gaaboo si kala nga jamaa ra, ir ma tuuru dume cere bande ir baaba hugoo ciyaroo se, baanoo se, cerediiyanoo se, ir suba soogey.