Wp/ses/Lasal dumi

Lasal azeera dumiyey ga tee hayayaŋ kaŋ i boobaa daray, dumiyaŋ no kaŋ goo nda gaabi i goo nda hayyan, i doona laboo alwaatey, laboo alwaatey šendaroo, i ga koy azeera wirci boobo jine. Ncirɲi nda hari kaccaa tee sibil kaŋ na i boobo takaa dorandi, woo din no goydoo goo Gaawo ra kaŋ na kondawey kaŋ ga tuuru alfari taray maa ga sogay cere ga ka goy windilaa jejebuyanoo fondaa ra. Kondawey din lakkal foo ti lasal dumiyey ma willi ka kaa, haya banda ga kaŋ a henen kaŋ dumi tejey kaŋ borey kokor ka duu duuwey, i g'i daŋ goo nda šenday, boro boobo mana faham ndey, adisi ir lasal dumiyey dabaroo ma zaa ndi, i m'i ceeci, i ma goyandi, ngi duyanoo ma dogon, borey ma hin ka will'i ga. Woo din ra, kondawey kaŋ Adama Ceegum goo jiney ra na batu kar alarbaa, Oktoobur jirbi 2025 miize Gaawo areežiyoŋoo nda kominoo alwakiiley yahadar agirikiltir direketeroo n'albarka daŋ borey se, a waafaku nda lakkaloo, a na borey binandi ka marga nda wakiiley, borey kaŋ kaa, i boobaa ga tee alfari kaŋ ga tilasu dumi henna ga. Woo din ra fahami duwandi ir yee kate ir lasal dumiyey ga, a ga tee hommo, hayni, mo nda haya kaŋ ga himey, binekaanay tee, albarkadaŋyaŋ tee, hala ma cindoo doonandi.