Wp/ses/Lalaba

Zaa juwe handoo hala ut jiiri 2025 bulgunje kanaa kaŋ goo gaawo kominoo ra borey fatta nda baayan ka lalabaa gaabandi. Lalabaɲaŋoo ga tee lalaba zeena kaŋ ga bulgunje isa faarey kaŋ goo gungoo ra haŋandi, a ga too jiiriyaŋ kaŋ nga kayroo koogaa banda ga, ga tee sibil kaŋ na faarey keyri, moowa yoole, koyraa ga faraw; hinaa si kaŋ ga katerpilar ka goyoo tee, cere lakkal zumandiyanoo fondaa ra kaŋ onžewey nda araajewey g’a tee borey faham kaŋ tunyan cere bande goo nd’albarka woo kaŋ katerpilar g’a tee, nda borey tun cere bande, i ga hin ka koy man’a. Hõo borey kaŋ ga fatta cee hinza jirb’iyyaa ra nda ngi kookondawey, ngi tasawey, buruweetey nda pelley ka koy lalaba ga bisa boro zangu hinka, i ga tee wey nd’aruyaŋ, faabakey tenje porože goo no kaŋ na jesedaŋ. Alfarey, koyraa jinohuney ga hinoo nda jesedaŋkaa foo nda goy, foo nda goyan kaŋ si ben, hongandiyan ra jamaa ma fatta ka goy cinari fonda ra tee zaa sooni zamanoo ra kaŋ ra goororeyaŋ hun zaa isaa ga hal’a ma ziji hondoo ra, kiloo zangu alkadar wala haya kaŋ gabisa woo.