Wp/ses/Laboo gaayaroo

Hõ Tunbutu ra, nowanbur jirbi 3ntoo, jiiri 2025 ra, Iriisi nda Eropu labiize boobo yahadar haya banda ga kaŋ i cindi Mowti jirbey kaŋ bisa ra, i kaa Tunbutu k'a zuura ka Tunbutu gaaya hayey gaaya, naaruma woo ga tee nda kookariyan beeri zaara daŋkey hereɲ kaŋ baa, kaŋ lakkal kanay mana tabati ga lawra beeri dirandi hala goyoo ma si duu šenday. Jiiroo woo ga tee lasal taray Jiire aduɲɲaa kul boŋ jamaa kaŋ gay i si kaa ka ir laboo lasal hayey, ir laboo cinarey, hondey nda goorey zuura k'i gooyey ra jine tee Maali se. A ga tee haya kaŋ g'alman beeri daŋ laboo ra, a ga kabagoy teerey duuraa tonton, waani waani garaasey, darbay taakey, hotel koyey moobil koyey, dontokey, kaaya kaayakey n'i boobo n'i boobo. Ir alasaloo hawgay key ga lasal hayey heehe yawey se, kaŋ ga kay filla ngi koyrawey ra, meejaawey ga biyey bisandi nda booboyaŋ, jamaa kaŋ mana kaa jiiroo ma boona ka kaa yeesi. Misa no kaŋ wangoo na kayandi a tee mursay beeri boro boobo se kaŋ cindi ka hun'a ra.