Wp/ses/Koyma hooraa (Festiwal Koyma)

Festiwal koyma ga tee batu beeri Gaawo ra kaŋ ga tee jiiri ka kaa jiiri, a ga bayrandi Maali ra. Adduɲɲaa kul ga bay a ga, meejaawey albarka ra. Maali alhukum taray ga lakkal daŋ a se waani waani ministeeroo kaŋ ga huuga nd'alasaltaray. Jiiroo nowambur handoo jirbi way cindi iyyaa ka koy nga jirbi waranka cindi hinzaa no fesiwaloo dira. Batu no kaŋ ra soŋay nda soŋayborotaray alasal hayey ga cebandi, i ga heeheendi adduɲɲaa kul se, borey se kaŋ tun dogey ra ka kaa ka dii, ka bay, ka faham nda Gaawo lasal hayey, nd'ay nee soŋay borey a si kala daaga, laarab, fulan, kuulu, hawsa, banbara dumey kul kaŋ ga huna soŋay laboo ra, batu no kaŋ lakkaloo ti cerediiyan, cerebaji, faaba hala borey hunaroo ma boori, laboo ma cina, duuraa ma tonton, batu no kaŋ ra kaba goyteerey ga ngi bayraa nda ngi waanaa heehee, i ga duu a ra hebu, neerandi ngi neere hayey se. A ga too handu wal'a ma bis'a kaŋ fesiwaloo ga fee ndi arajey jindey ga, teleewey ra, alhabaaroo ma too adduɲɲaa kul doo, alhakiika boro si ɲimsi, hal'ir ma duu a ra binakaanay.