Wp/ses/Koyma hondoo

Koyma hondoo ga tee batuma zeena, a ga bayrandi adduɲaa fendoo kul boŋ; koyma hondoo gooadduɲaa gaaya hayey ra, a goo adduɲa mayray hayey ra kaŋ ga lakkalandi, koyma hondoo goo nda daraja nda sorho kaŋ si daray boro kul se, koyma hondoo goo gaawo gurma isaa jesoo ga ni g’a honnay zaa ni bisa forgo ga nda ni goo buram fondaa boŋ, nda ni goo harihii ra wala bato ra, ni ga bis’a cine nda ni ga dendi ka kaa gaawo. Koyma goo nda maana beeri soŋay se, nee din no soŋay wangaarey ga doona ka marga ka šaawar, ne din no ndurɲaa carkaw beerey ga cere kubay, a ga tee annasaara dumi kul kaŋ no, borobii dumi kul kaŋ no, carkaw carkaw dee carkaw beeri ga koyma hondoo dogoo bay, nee din no i ga ng’i dabarey zaa. Hõo koyma koyraa goo no, a ga tee isaboro koyma kaŋ goo nda nga boŋkoynoo, lotokor hugu, nda lokkol nda madarsa, a ga kabu komin gunzuray se koyma soŋay senni ra dee ti ka koy nongoo din ka maa, ka haŋajer senney nda dabarey se.