Wp/ses/Konkossa

Maali ra, a ga tee alaada jiiri hinka ka kaa jiiri hinka kul arežoŋey ga cere kubay konkossa (konkošša) ra, arežoŋ kul bayraa lasaltaray fondaa ra, a ga tee dooni, a tee fahamandiyan ga heeheendi batoo ra. Batu noo kaŋ ra arežoŋ ga ceeci nga ma zaama, lasal darbawey ga huru, lasal turey ga huru, borey ga tuuru nda booboyan, borey ga cere kaanandi haya kaŋ ga bisa jirbiyye, konkošša kaŋ hinoo ga doo beeri kayandi a se, woo se baa kaŋ lakkal kanay mana tabati goyoo mana kay. Jiiri 2025 batoo ga kara Tunbutu, handoo kaŋ ti oktoobur ra, soolumawey ga tee jirbey wey arežoŋey kul ra, Gaawo arežoŋoo sintin soolumaa ra, guwerner nda konsey arežonal na wurru daŋ gaawiizey kul se, boro kul kaŋ ti ni ma kanbuzamay tee hala borey kaŋ ka koy tuuru Gaawo maaɲoo ga ma hin ka sooluu ka boori, haya kul ma si gaza za hõo Gaawo ra, hala jirbey kaŋ i g'a tee konkoššaa ra Tunbutu, a sii nda ni goo Maali ra wala ni goo taray, ma ni faabaa sanba Oranž (Orange) kone, ma ni kaboo too konsay arežonal kontabuloo doo, a ga ni noo šeeda, a ga yee k'alhabaaroo too arajey jindey ga, komisiyoŋoo kaŋ ga hawgay nda misoo ga lakkal daŋ war se, a ga naanay kaŋ koyriize taraa ga ceebandi.