Wp/ses/Kokoyyaŋ lakkaley

Borobii boŋkoyney goo nda lakkal, I goo nda juwal waanay. Lakkaley wey mana hun kala biton Kulibali nda Daa Monzon Jaara. Lakkalyaŋ no kaŋ ga koy baani, borcinitaray nda koyjinayan fondaa ra 1. Boŋkoyni kaŋ si nda laabab mana ti kala tubal kaŋ fun. 2. Wangiizayaŋ kaŋ si nda bina si hin ka kay labiizey se. 3. Hari mana bay ka wanga nga nuuraa. 4. Boro kaŋ dirŋa woo kaŋ bisa , ga nga kabey ɲumay nda labu taaši. 5. Boŋkoyni ga jirbi amma nga jamaa mooɲey ga hay. 6. Citiyaŋ zangu baa takuba karari. 7. Hini wala laama ga gaabi alwaati kul kaŋ dottijey sennoo ga taandi (haŋajerandi). 8. Nda dundumoo wala tubaloo si hẽe, jamaa (labiize) miɲey daabaa. 9. Haabu lanbu si zay wangu ra. 10. I kaŋ na labu goy na baani nda lakkal kaniyan tee. 11. Isa si yow gaasoo jindaw. 12. Hini si hima ka hoolo, a ma hima ka yaddandi. 13. Kooɲaa si dirŋa boraa kaŋ na dume. 14. Nda danaa šalaŋ, takubawey miɲey ma diiyandi. 15. Koyra ga cina nongu kaŋ ra maamala ga haaru. 16. Faari kaŋ goyandi bisa kožeera koonu. 17. Kokay jaahil mana ti kala maaba bembew. 18. Tubal hamburay ra, hayni si beeri. 19. Nda gaasu too, ma si laalari tonton a ga. 20. Laamaa mana ti kala feema, nuuna nda woy nda cere karša-karša jaŋay m’a wii. Fooyaŋ goo woyey se, šaawaryaŋ se, cere diiyan borey nda cere game ra hala ir borotaraa ma gaabi.