Wp/ses/Kokoya

Tuuri no kaŋ ga bara isaa cewoo bande, a ga bayrandi, a goo nd’alkadar, tuuri ɲaa beeri no kaŋ ga hansa ka babbeeri, fitaa ga mari, a ga ize tee jiyaa ra, kayfiya ti hala kaydiyaa ga kaa, fitaa ga koogu, I ga nee kokoyaa nee nga fitaa si zay tooši waani ra, woo ti nga fitaa si zay ncirŋoo ra, amma hala kaydiyaa ga ben, fitaa ga sintin ka bagu. Tuuri no kaŋ goo nda nafaw beeri, Maali alhukumoo ga lakkal daŋ a se, nga zafaroo kala fondo, fitaa kaŋ ga kaŋ laboo ga farey ra ga hansa ka kaamandi, ka laboo boorandi azeerawey se, a ga too dumaray ma tee ka boori sanda angere, kokoyaa izoo g’alman nafa, heraa waate borey g’a dur, k’a hagay, I ga waa k’a diibi, nd’alhukumoo na boro dii nga dunbayanoo ra, a ga boraa zucca. Kokoya bundoo ga gaabi, gaaraasey ga baa ga, I ga goy jinay sorhantayaŋ tee a ra sanda: tinda, hinji, tu, azawa, sijifa, teega, garu, ganji, korow, gatal, I ga boobo, bundoo goo nda gaabi. Gaaraasa kaŋ duu fondo a ma kokoya ɲaa foo zafa, nga jiroo hunaa tee. I beeroo ti kaŋ a ga faari labu hansa, ir m’a lakkal a ma si dunbandi yaada, a goo almaaney ra, labu kaŋ r’a goo ga huna, a goo nda duuray.