Wp/ses/Karjinawey

Karjinawey: Hiijawey nda cebawey nda konserey kul ra, ir ga dii hooray jinay dumi-dumiyaŋ : wey kaŋ ga funsu, wey kaŋ ga karandi, wey kaŋ ga ɲomtandi, wey kaŋ ga ziirandi, wey kaŋ ga sirkisirki nda wey kaŋ ga yinji-yinji. Horay jinawey wey ga hin ka tee fayari hinza. • Wey kaŋ goo nda karfu sanda : kurbu, koora, nzarka, kuntiji nda annasaara kurbu. I ga ɲomtandi wala i ga ziirandi. • Wey kaŋ ga funsandi sanda kullu nda laati nda alkaati. Konserey ra, ir ga dii annasaara laati booboyaŋ sanda toron pet nda saksofon nda kilarinet.. • Wey kaŋ ga dunduŋ sanda : tubal, haray, tinbal, kolo, gaasu, tinda, sirkisirki londu, hiirigaasu nda gungutu. Annasaarey mo goo nda affooyaŋ kaŋ se i ga nee tunba nda tanbur. Hooray jinawey wey goo nda ikayfantayaŋ sanda tinbal. Tinbal woo tubal no kaŋ goo nda tubal-izeyaŋ nda cee. Amma boro foo no m'i kul kar. Saksofon mana ti kala laati dumi kaŋ goo nda naaga doo booboyaŋ nda heeni dumi-dumiyaŋ. Koora mana ti kala Banbara' kurbu beeri kaŋ goo nda karfu waranka cindi foo. Nda ir laasaabu kul ir ga dii kaŋ annasaarey hooray jinay booboyaŋ nda ir waney kul ga hima.