Wp/ses/Karanzoo sendaa

A ga too alwaati kaŋ karanžoo sendaa na Maali kul dii, waani waani woyna kaŋay. Dabari zaara kaŋ ra iberey goo mana dirŋa fondawey diŋaroo kaŋ ga katanji daŋ Maali ra, muraadu ti Maali duuraa ma nakasi, hinoo ma jaccandi borey here, ka cebe kaŋ mongandiyan tee, goy si bukaa karanji sanda esansoo, gaazuwaloo kaŋ ga too hiyey ma dira, maamalaa ma dira, duuraaa si duu senday alfarey ma si duu senday, hinoo nda jamaa kaŋ kala moto, moobil ma hin ka ngi goyey dirandi, senday no kaŋ dabaroo gay ka soolandi, amma Maali ga tee gar ne, naŋ ne. Hinoo na fonda boobo sanbu kaŋ ga too karanjoo ma huru, a ga tee senday, amma a ga huru, arey goo ngi boŋ ga, siwiley nda zaaradaŋkey, maamalakey nda moobil koyey, cere bande goyoo ga tee, doonaa ga kaa kayna kayna woo kaŋ si borey bagaa ra ga hasara, ibeerey haawoo bangey, soojey g'i fimbi zaari kul, zaari kul, i ga halaci, karanjoo ga huru, muraadoo ga dira. Boroyaŋ boona ngi ma šendaa tee ceeci, i ga karanžoo sumoogol k'a neere, senday, hinoo bay a ga, dabarey sanbandi, boroyaŋ koy kasu, kašeeta goo nga boŋ ga. Maalize henney na misoo zaa nda lakkal, nda suuri, i faham kaŋ dabari zaaraa no ka laboo yee banda, ibeerey sakoo ma tee. Maalizey wa foo nda goy, misey kul ga hanse nd'irkoy baa, gurgaa ma si kay kal’ir ma hun kabe.