Wp/ses/Kabagoykey kondaa

A ga boori jamaa ma sogay cere ga ka senni follakaa seleŋ nda ka goy fallakaa goy, borey ma tee anniya foo, zama a ga boobo kaŋ borey ma tee huzum foo, Maali alhukumoo na doo tee kondawey se, a ga felle i ga cinaroo fondaa ra, Maali duuraa ma tonton fondaa ra, Maali sooga taray ma duu goy bilaa suubayan. Faabakey da mo ga hansa ka baa kondawey ma sogay cere ga, koopeeratiw a ga faaba misoo doonandi, fondo boobo ga hin ka feera kaŋ ra nafaw bara. Woo din ra Gaawo kaba goyteerey dii cere, i šaawar, a goo i ra mooto hansakey, suudeerey, tooliyewey nd'i boobo, i na anniya zaa ka tee konday beeri kaŋ s'i ga nee kordinaasiyoŋ kaŋ ga tuuru kondey kaccey maaɲoo ga, kordinasiyoŋoo din ra ngi kongerewoo tee handoo woo ra, jamaa kaŋ yahadar, hinoo serwiisoo yahadar, wakkilyaŋ yahadar Gaawo maaɲoo ga, batoo dira nda sorho nda waanay nda cerediiyan, kongerewoo din ra biroo huru nda fahami nda waafakay ir ma gaara misoo m'albarka gomni ma fatt'a ra, a ma tee haya kaŋ na soogey nafa i ma cere dii ka tonton.