Wp/ses/Jiiroo alwaatey

Jiiroo alwaatey ga tee zemnari beeri hinka koogay nda kaydiya. Koogaa waate no hargoo nda konnoo goo, hargoo ra ir ga dii jiyaa nda lahulaa. Hargoo ra ni ga gar isawey ga too hari, gandaa kul ga yey cere ra, daalibiyoo ga zunbu, haroo ga yey futu, i ga n’a se jiyaw nda jiyaa bisaa, lahulaa ma kaa, haroo ga sintin ka kogu, hargu ga tee, harandaŋ ga sunbu, lahulaa ra hew ga hẽe, kokooru ga tee, hungum wircey ga boobo, kondoo ga dumbandi, hamiisaa ga sintin ka duwandi ka boori. Koroŋ konni beeri ga tee, suboo kaŋ goo kurdogey ra ga kogu, adabbaa ga doo ka haŋ isaa ra, faarey ga kogu, borey ga sintin ka faarey tunandi nda tayroo ka soolu kaydiyaa se. Kaydiyaa ga sintin ir laboo ra juhuje handoo ra, borey ga beeri, i ga duma, kurdogey suboo ga zay, adabbaa ga ziji handoo ra, borey kaŋ na hommo duma ga hegay, keydiyaa kokoroo ti jamdaa kaŋ ra ncirŋoo ga kay, haroo ga tonton isaa ra, alwaati no kaŋ ra ndeŋoo wircoo kaŋ s’i ga nee jemdaa ga hansa ka borey dii, jemda ga sintin oktobur handoo ra, alwaatey banda no alfarey ga goy, adabba koyey mo ga goy, nga banda no tuuri goykey nda adabba hookey ga hoo.