Wp/ses/Jamda wircoo

Wirci no kaŋ ga hansa ka bara ir boro bii labey ra, ir g'a cee nda haamaroo, jontaa, masaa, wirci no kaŋ ga boro daŋ nooru kaayan beeri ra, jiiroo ra, a ga boro fooyaŋ ganji goyyan, boro zeena nda zanka si hallasi a ra, a si faala boro ma hallasi a ra jiiroo ra, nga safaryanoo ga caadacaada. Wirci no kaŋ nd'a duu boro, kala m'a safar nda fondaa, a si ganji safaryanoo banda ga a ma yeeka duu ni. Wirci no kaŋ ndeŋ woyoo no ma daŋ boro ra nga ɲamaroo din ra, ndeŋ aroo ga kuuru hottandi, amma a si nda asom kaŋ ra wircoo goo. Safarey dumey ga boobo kaŋ nda lotokorey ga jemdaa safar, jiiri korowey ra lotokorey dii kaŋ safariyaŋ goo no kaŋ si boori, i goo nda dorondiyan tannayaŋ. I na safarey din gagayandi, hala hõo censaa mana duwandi, i goo nga ceeciroo ra. Wirci no kaŋ ga hansa ka wiya, miniti foo kul laasaabay ra a ga boro hinka ka koy i taaci wii aduɲɲaa ra. A ga laala zankey, boro zeeney nd'alhaamilkoyney ga. Hayaa kaŋ ga boro jebu a ra de ti alcilla kaniyan jiiroo kul bande a ma si tee alcilla funa, i kotta kaŋ ra ndeŋoo ga huru. Ir ma si jirbi kul kaŋ mana ti alcilla ra, zaari nda cijin koroŋ nda keydiya alwaati kul.