Wp/ses/Isa zamanoo nda Mahammadu zamanoo

Isa zamanoo nda Mahammadu zamanoo:

Alwaatey kaŋ tee ka bisa, nda jiiri zanguboŋey nda jiiri zenberboŋey sii kala zaman ra. Taariki hantumkey waafaku zaman beeri hinka ga : Isa zamanoo nda Mahammadu zamanoo. Isa man'ti kala diyaw kaŋ bay ka tee annabi Mahammadu jine. Nga bangayroo ka tee sintin jiirey kabuyanoo se annasaarey do. Hayey kaŋ tee, i g'i silbay Isa bangayroo jine (IBJ) wala nga bangayroo banda (IBB). Isa ma bangay ka kaa jiiroo woo kaŋ ra ir goo, ga sawa nda jiiri 2026. Maali duu nga borcinitaraa jiiri 1960 Isa bangayroo banda ga. Sarwisoo kabuyaney si tee kala Isa zamanoo bande. Zaman moora fooyaŋ Isa bangayroo jine sanda jiiri 5000 ir Sahara bay ka bara nda isa beeri fooyaŋ nda saaji komayaŋ. Ir g'a hantum nda jiiri 5000 Isa bangayroo jine (-5000).

Annabi Mahammadu : Annabi Mahammadu zamanoo ga sintin hijiraa ga. A ga sintin jiiroo kaŋ a hijira ka hun Makka ka koy Madiina. I ga zamanoo silbay nda hijiraa jiiroo (HJ). A ga hantumandi nda 622 jiire, Isa bangayroo banda ga. Alsilaamataray sintin ka jiirey kabu hijiraa ga. Hijiraa ga ,ka kaa jiiroo woo kan ra ir goo 2026 Isa bangayroo banda ga, ga sawa nda alsilaamataray jiiri 1448. Haya kaŋ tee kul taariki hantumkey si a silbay kala Isa zamanoo bande wala Mahammadu zamanoo bande.