Wp/ses/Ir windilaa

                                        Ir Windilaa

Ir windilaa ti iri nda haya kul kaŋ g'ir wanga, nda barahaya no wala teehaya no. Hayey wey kul goo ir windilaa ra : hugu , faari, tuuri .. subu, boro, dawoo waatey alhaaloo.

                              Ir windilaa ga jer :

-iri nd'ir tanawey gorokasinaa misey ga, - ir bayray fondawey ga, - ir duuraa fondawey ga.

Adisi, nd'ir nee windila, ir goo hayey wey kul ga : barahaya, teehaya, baahunay, lakkal goy…

Adama-ize nda windila

Zaman jinawey adama-ize ga duu windilaa ra haya kul kaŋ a ga boon'a. Waatoo din, windila hayey si cere nakasi nda taka kul kaŋ boro ga tanba k'a maate. Nga lakkaloo nda nga dabari waanaa ka kate adama-ize hin ka nga hunaroo baaceray. A hin ka goyjinayyan tee kaŋ nd a ga hoo, a ga fari. A wan adabba biiriyan no.

Windila jaasaroo

Moo kaŋ ga boo kul adama-izey nda ngi muraadey ga tonton. Woo k'albasey,wey mo boobandi, sanda : - borey booboyanoo - heray nda hunay misoo - sawa janay duuraa fondaa ra - talkataray nda hayey kaŋ ga jer a ga sanda : gaaham-baani , cawyan, goy - windilaa nafaw hayey nakasiyanoo hala ngi benyanoo - gandaa Ziibandiyanoo. Maanaa ti adama-ize nda nga teegoyey goo hayey ra kan na windila nakasi.

                                 Windilaa jaasayanoo sibiley

          Hasarawey kaŋ mana hun adama-izey here

Dawoo alwaatey goo hayey ra kaŋ ga windila nakasi. Amma hayey kaŋ ga tanba k'a barmay ti : ncirni senda, gari, hew, konni nda yayni alhaaley. Hew ga laboo ganandi, a ga hondey cin : woo ti hew anji. Ncirni senda ga labu albarkante mon : woo ti hari anji. Konni nda yayni futu g'azayra funbandiyan doonandi, a ga nga beeraa nakasi.

                Hasarawey kaŋ ga hun adama-izey here

Adama-ize ti windila hasarakaw jinaa. Borey booboyanoo nda goyey kaŋ i g'i tee ka huna kul ga tanba ka windilaa barmay laala. Windilaa barahayey nda baahuney kul si hallasi a ra.

                                Albasey kan ga tee windilahewoo se:

lziney kan boobo adduɲɲaa ra ga tonton laboo konnoo ga moo kaŋ ga boo kul. Dawoo konnoo kaŋ si fay a ga tonton mma koy de a ga ozonoo ŋaa. Ozonoo ti dullu taka foo, kaŋ goo windilahewoo ra. Nga no ma huna hayey hallasi waynaa albasey ra.