Wp/ses/Ir kuubi-ka-beraa

Windilaa mana ti kala ir kuubi ka beraa kul kaŋ ra baahunawey goo nda wey kaŋ mana ti hundikoyniyaŋ. Windilaa ti laboo, isawey saajoo, adabbawey, wey kaŋ ga huna haroo ra nda wey kaŋ goo guraa nda saajoo ra, subey, tuurey, nooney nda gangamey, hoogey nda jirawey. Windilaa barayan henna ga too borey ma duu hunay henna, alwaatey alhaaloo ma boori, borey ma nafa. Windilaa ga doona ka duu šenday ncirɲi jaŋay zabboo ra wala borey ma goy loolowey sabboo ra, a goo goy laaley ra, nuuna daŋyan saajoo ra, adabba fooyan wiiyanoo nda baayan hooyan futaa haroo here ra nda saajoo here ra. A gar borey ga hima ka too ka faham, kaŋ borey nda hundikoyney kaŋ goo saajoo ra, nda laboo ra nda harey ra kul ma cere timandi laasaabaa ti affoo kul mahuna nd’affo, baahunaa kaŋ ga hunaa nda gangam wala nda ciraw no ni kaŋ ti bunaadamiize g’a ka huna nda haya kaŋ ga hima nda wey. Ir ma bay kaŋ windilaa lakkalyanoo goo ir kul ga, ir ma fay nda haddi daaruyan.