Wp/ses/Ir koyraa sorhaa ma cindi

Ir koyraa sorhaa ma cindi ga tee sooga konday kaŋ goo taašaaran, taašaaran ga tee isaboro koyra kaŋ goo gunzuray kominoo ra, gaawo serkiloo, gaawo areežitoŋoo ra. Ir koyraa sorhaa ma cindi izey ga tee woy nd’aruyaŋ, kaŋ faham kaŋ labiize ma hima ka key kaŋ nga koyraa cin k’a tonton, ka koyraa lasaltaray hayey lakkal, borey cerediiroo ma tonton, waafakay timanta ma huru kabilawey kaŋ goo koyraa ra nda cere game, kondayzey ga koyraa koy jinayanoo ka huzum, i ga durkutu taašaaran ma si willi kominoo koyrawey se banda, i ga goy ka kominoo cin k’a tonton nda lakkal, nd’alman. Jirbey wey kondaa tun hala taašaaran ma hennen ziiboo ma dira, gootawey laboo nda ziiboo ma hun ncirɲoo haroo ma si duu ka key ka hasaraw tee manna takaa, haroo ma si key catawey cire nda windey gundey ra. Woo din ra koyraa wakkiley kaŋ duu alhabar fatta ka hansa ka kondaa foo nda goy, ka gaar’i se nda lakkal hennaa kaŋ kondayzey duu a , goyoo mana ben a goo nga boŋ ga hala šenday dogey ma ben kondaa goo nda sugulla goy jinay fondaa ra, sanda buruwet, pellu, araato, i ga baa faaba serwiisey here nda jesedaŋkey.