Wp/ses/Ir gandaa mayrawey

Borey i boobaa ga hansa ka alhawa, i a beeje labu fooyaŋ mayraa ga, a ga tee goyjinay, hunay, bankaaray, taami, taalam, ka gar za annasaarey, laarabey nda labu booboyaŋ muraadoo ti ngi jinaa kaŋ ga tee ngi doo ma fatta ka koy neere, ngi ma duu alman kaŋ ga ngi duuraa tonton ngi labiizey ma hun talkataray ngi dawlaa maaɲoo ma jer; woo haya no kaŋ ngi wakkiiley nda ngi bayray koyney na guna cere game, i na koyrayzey lakkaley cendi ka koy fahamoo ga, koyrayzey na lakkal daŋ a se kaŋ ti ngi ma goy woo kaŋ ga teendi ngi ma nafanda ngi ma nooro ngi boŋ koyraa se, woo kaŋ bisa ngi m’a neere koyra tanayaŋ se. Ir gaawo ga hima ka lakkal daŋ woo se, ir ŋaahayey, ir goy jinawey, ir alasalhayey kal’ir ma yadd’i ga, ir tee muraadu, nooru ra huru alfarey se, kabagoykey se, fatawciikey se, borey ma duu talkataraa ma zebu. Hal’ir ga boro fooyaŋ cin ir ma jin k’irlaboo cin, ka marga nda kaŋ ir mayrawey ra ga nafa, hunaa fondaa ra, i si nd’a som, i si nda wirci, i ga boori guma i ga kan i ga nafa.