Wp/ses/Iniwersite Saahel Gaawo

Gaawo gay a ga woo ka handiri, šenday beeroo kaŋ gaawoo cawkey waani waani lokkoliizey kaŋ ga kilaasi woy cindi hinkaa šahaadaa ga duu a ti iniwersite jaŋay, Bamako ga mooru, borey ga tallka , mušakkaa ga tiŋ; woo se a mana ti boro kul ka hin ka kay nda jine cawoo ra kilaasi woy cindi hinka bandaa ga kaŋ ti bakoo woo too Gaawo sorhantey nda Maali hinoo na anniya brrei sanbu a ga too jiiri nongo kaŋ r’a ga cina bayrandi zaa manna nongoo ti Berra koyraa laboo boŋ, asibtoo deesambur jirbi idduwaa jiiri 2025 ministiroo kaŋ ga hawgay nda lokkol beerey na cee taŋ ka kaa Gaawo, a ga bara delagaasiyoŋ beeri jinoo ra, anniyaa ti ngi ma iniwersiteewoo goyoo sintin, a koy key batumaa boŋ nga nda Gaawo wakkiltaray ka cebe kaŋ iniwersiteewoo sintin zaa cawoo hala cinarey kul ga tee nee nda keyna. A tee binakaanay beeri Gaawo kul se karji beeri ka hun cee zawoo fondaa ra, haya banda ga kaŋ ministiroo na margaw beeri dirandi kaŋ s’i ga nee konferanse kaŋ ra kaadirey nda kondawey nda Gaawo wakkiltaray kul yahadar, a willi Bamako jirbi hinka banda ga.