Wp/ses/Hunbur

Hunbur Hunbur ga tee nooni wirci kaŋ ga fatta boro gaahamoo ra, a ga boobo boro cewoo nongu kaŋ a duu a kul, a ga tee wirci kaŋ ga boro kaa goy handuyaŋ. Maali hinoo nda nga sattakasiney na poroože boobo tee ka duu k’a tangam, i ga wircikoyney safar yaada, i ga boro kaŋ n’alhabar tee hunburoo fondaa ra binoo kaanandi nda nooru, i ga lokotorey faaba nda goyjinay nda nooru. Porožaa ga sosogu zaara noo borey se yaada waani waani borey kaŋ ga haŋ hangey ga. Lotokorey bayrandi kaŋ noonoo ga duwandi harey ra kaŋ ga gurandi bangey nda botoley kaŋ ra menne si ; noono ga guuri boobo daŋ haroo ra, haroo din haŋroo bande guuroo ga koy boro gundoo ra, keydiya maanay ga guuroo ga fomba boraa gundoo ra, noono ga fatta, a ga huna alwaati boraa gundoo ra, noono ga fatta, a ga huna alwaati boraa ra, woo din banda ga no a ga ceeci ka fatta, nongu kaŋ a duu a kul, a g’a ka fatta, nongoo kaŋ nd’a ga fatta ga jin ka fuusu, a ga boro kaaji hal’a ga fatta, woo din ra, a ga tee linji, linjoo din ga i ga silli haw a ma si willi, noonoo si hima ka dunbu, silloo ma si dunbu, zama nd’a dunbu wal’a willi boraa ra, a koy fatta nda nongu foo koyne dorandiroo ma tonton alwaati kul kaŋ silloo g’a ga, a ga fatta nda keyna keyna hal’a ma ben, ma duu baani. Hunburoo ga laala Maali koyra fooyaŋ ra, a ga too alfarey ma faraw, zama keydiyaa ra no a ga tee borey se, a disi I ga hun goy jiiroo ra. Ir ma gagay ka hun bangay nda hari zuba haŋyan ga nd’amanti ir ga nga soolaa tee.