Wp/ses/Henenandiyan Gaawoo koyraa ra

Gaawoo ga tee gallu, maali weyna hunaa ra kaŋ hansa ka cina jiiri korowey ra, koyraa ziya hawsa nda gurma, dendi nda daŋgay. Šendaa kaŋ ga bara ti, mursaa kaŋ ga tee nda ncirɲi kaŋ, amma keydiyaa ra, hugu boobo kaŋ, alman boobo hasara, alaayan boobo duu šenday gorodoo here nda hunay here. Dalil beeroo mana hun kala gootawey goo no I fiji, I si haroo ka bisa ka doo, karciye fooyaŋ si nga gootawey ga too labu nda ziibi dumi kul woo ga kate deŋoo ga tonton, paliwoo ga duu borey, wirci tana fooyaŋ ga duu goro doo; ka tonton kaŋ denderawey ga bara nongey ra bilaa fondo hayaa ga meeri nda nga serwiisey gandey too, woo din ra Camorc ga tee konday sooga konday kaŋ fatta karciye ka kaa karciye ka hinka jesedaŋ meeri ka gootawey , ziiboo nda laboo kaŋ n’I lutu kaa cirɲoo haroo ma hin ka bisa ka beeri. Camorc ga denderawey haabu, I a yee ka karciyewey borey kunahennay nd’I ma fay ka ziiboo mun nda fonda jaŋay, konday albarkantaa woo koy hinoo goy dogey ra nda jamaa koy dogey ra k’I haabu k’I henenandi saarawey moo faryanoo nda ngi hansayanoo huru ngi goyey ra.