Wp/ses/Hegay

Ir n'Irkoy saabu, alfari kul ga hima k'Irkoy kuku nd'aneema kaŋ tee. Jirbey wey isaa cewoo kul bande, hegaa šintin cimoo, tetera, mala nda haya kul kaŋ ti moo tara goo cere bande, ngi hegawey sintin, binakaanay goo, hiyey ga biya, i g'aluula ka fandi ceesoo ra, i ga too moo, jerekey ga jere, tilawey ga cina, hawrawey ga karandi, cindey ga musayandi, woyey g'almaari ka bere bera, safaroo ga tee, sunnaaraa ga tun, konnoo heraa hibi, hijindey ga hansandi, sansaaroo sintin ka doo, a ga hima taahi kul si guraa ra, boro ma bora nda ni boŋ hiyoo ga boori, ni ga wiya boro foo se, woo kaŋ ga bara ti wiyakey ma lakkal daŋ faari koyey se, zanba ma si tee, ka ni hijindoo hansa, k'a naagu naagu, ka burgu faaroo koyoo se, si boori, zanba beeri no, boro ma ŋaa woo kaŋ si ni haawandi. Jirbey wey ŋaaroo potoo goo zangu nda waranza, Forgo yooboo ra, a ga huru cimo, moowaa ga huru cimoo,waatoo ti woo kaŋ ra boro ga duu dumi kaŋ si kaašim, a ga henen ka tun sombay ra, ir ma nee borey huna, hamiisaa nda ciraa ma alaadaa goy, amma Irkoy saabu.