Wp/ses/Hayraa beerandiyan

A go ir boro bii annaamoo ra boro beerandiyan, ni g’a bay, ni s’a bay, waani waani hayraa beerandiyan kaŋ ti ladabandiyan boŋoo. Zanka ma boro beerandi wal’ir ma nee boro ma ni hayraa beerandi ga hima ka tee garhaya hugu kul ra, a goo zanka biiriyanii ra, a ma jin ka nga hayraa nga borey kaŋ ga hima nga boŋkoyney , zanka kul ma hima k’a ladaboo woo ka tun. Hayraa beerandiyan goo nda nafaw, a goo hayey ra kaŋ nda borey ga baa boro a ga too i ma boro beerabdi, bii ma huru boro ga, ni sennoo ma taandi. Hayraa beerandi ga boro too albarka hala boro ga ni hayraa beerandi ni boŋo si yee ganda ni carey gamey ra, šenday ra hayraa beerandikaw ga duu faaba kaŋ a s’a hongu. Alwaati kul hayraa beerandirankaw ga duu gaarari nga misey ga boori nongu kul here. Boro hala na ni hayraa beerandi kul ni ga hayraa waani kul beerandi, ir hansa k’ir zankey wasiyu nda boŋdumyan nda beerandiyan ngi hayrawey se.