Wp/ses/Handoo kaŋ kay tuuri dumayan se

Hõ, batu beeri kara zofoore kaŋ ti serwiisoo kaŋ ga hawgay nda saajoo nda haroo nda baahuney kaŋ goo i ra kaloo gundoo ra. Batoo jinehun taraa ga tee areežiyoŋoo jinehunoo kaŋ ti guwerner, serwiisey jinehuney g’a bande, nda sorkey, nda hookey, nda sanaduncey, koyraa kondawey, alaada jinehuney, garaasey, jamaa jaama. Batoo daliloo ti, hinoo ga cebe kaŋ tuuri ga tee alman beeri, annema beeri hundikoyney se, tuuri jaŋay ga laala, a ga tee talkataray nda koogay labu se, tuuri dumayan ga hima ka huru ir aladabey ra, ir m’a tee, ir ma lakkal daŋ a se, ir hunaroo ma boori, ir windilaa ma hallasi ir barayanoo ma tabati, woo se guwerner nda nga jamaa na borey kunahennay tuuroo ma hin ka duma nda baayan. Tuuroo kaŋ goo saajoo ra, wala isaa cewoo bande, wala koyrawey ra, borey m’i lakkal i ma si dunbu laalay, i ma si nuuna daŋ suboo nda tuuroo ra, tuuroo ga boro too alman, tuuri nda tuuriize goo maamala beerey ra. Woo se hõ zaaroo batoo mana tun kul kala nda tuuri dunayan, miliya nda kalipitis boobo dumandi zofoore kaloo ra.

Batoo tun nda binekaanay.