Wp/ses/Hamma Ariyo

May ti Hamma Ariyo? Hamma Ariyo, soŋay no kaŋ goo nda jiiri 63, gaawiize no, nga ɲaa koyra ti tondibi, Hamma Ariyo ga fooma nda soŋay taray, a gurgay gaawo maaɲoo ma jer, gaawo cinaroo ma si nakasi, borey cere diiroo ma tabata, gaawo ma si dii doo nda ceray. Woo se Hamma goo konday jine , kaŋ s’I ga nee Kontron, Kontron ga tee hookow konday kaŋ ra jamaa goo, kondaa ga bayrandi maali hinoo doo, zama a goo nda tiira boobo kaŋ g’a tabatandi, a ga too jiiri waranka ka koy jiiri waranza kaŋ a na hooyanoo suuba, a t’a se baji haya kaŋ ra a ga duu bina kaanay nda borotaray, hamma ga hansa ka bayrandi nda baŋa hookaw, baŋaa hinnaa kaŋ a na hoo ga boobo, a ga kaba daŋ kaaray ga, jeeri nda ganji hooga tanaa. Hamma goo nda suuri nda ladab kaŋ too a ga beeray daŋ alaada jinahuney ga nongu kul kaŋ r’a koy. Hamma ga kondayzey cebe alwaati kul I ma boŋdum hinoo ašariyawey se hooyanoo fondaa ra; a ga hansa ka šattakasinay nda serwiisoo kaŋ ga key nda windilaa. Hamma Ariyo goo nda goray gaawo faranjiiray, a ga bayrandi nda meetiri, woo ti nda ni gum’a boŋ, ni ga tun zam’a ga tee karaate cawandikaw. Mayga šelli kan buraa kan, šelli mana kan buraa kan, ben kasiya nda bemberaa koy, mayga.