Wp/ses/Hamiisa goy

Goy no kaŋ ra jamaa nafa, a ga tee goymee beeri kaŋ ra zankey ga duu goy booboyaŋ, a goo goymiɲey kaŋ ga fatta hamiisa hooyanoo ga, hamiisaa maamalaa kaŋ woyey g’a tee, itayaa, ihaagantaa, hamiisa tayaa kaŋ komersaŋey g’a daŋ firgoyaŋ ra nd’I tonanta k’I g’a luudu ka goy Maali se taray. Fahami boobo duwandi hamiisaa goyoo fondaa ra, woo se a ga hima sorkey ma lakkal daŋ, I ma si naŋ hasaraw ma tee, I ma si booka nda hamiisaa tayaa mana day, a ma si furandi, I m’a terfu k’a koogandi, a ga day nda koogaa, hamiisa kooga ga tee maari,difi, idifantaa ga hansa ka day, a goo nda nooru, gorgo biirikey ga hamiisa buunaa kaŋ buburay day, I g’a hamiisaa teeley kaŋ kogu day ngi gorgey hunaa fondaa ra. Hamiisaa nafaa si hara ka ben, maamala beeri no, a na boroyaŋ too moobil beeriyaŋ nda haw nda alman marga, hamiisa maamalakey beerey goo borey ra kaŋ kabey ga too dumawey, I ga ngi faarey goo nda lakkalkanay, I ga ngi ɲayzey faaba.