Wp/ses/Hõ zankey ladabandoo

Hõ izoo ladabandoo ga sendi. Cin no ma hima ka tee ? Man fondaa kaŋ ir ga hima k’a sanbu ? Ir muraadoo si hin ka tee kal’ir nd’ir zankey nda cere game, baaba nd’iz’aru nda cere game, ɲaa nda ize woy gamoo ma barmay; a ma si tee alhaali kaŋ ra nda zankaa duu boŋhaway a si hin ka kaa k’a misoo filla mane, a disi ir ma guna ka doonay daŋ ir nd’ir izey game sanda hangasinetaray kaŋ ra i si humbur ka ngi boŋhawey šelaŋ mane, hangasinataray nd’aladabu beeri, woo ra haya kul kaŋ na boŋoo haw, kaŋ ra a dii šenday a s’a tuku, a ga hin k’a bayrandi mane alwaati ra kaŋ ra hansayaŋ ga hin ka tee, amma nda zankaa ga hunbur ni, haya boobo goo no boŋhaway ra, meeri ra, senday ra kaŋ a g’a tuku mane. Zamanoo kaŋ r’ir goo zankey ladabandoo nda ngi juwalyanoo ga sendi a ga boobo, i ga kom’ir se; nga se ir ma hayaa guna nda ceretaray wal’a ga koy, woo ra a ga binoo nda lakkaloo kul feeri mane, a ga zuru ka kaa ni doo nda duu boŋhaway wala senday, nd’a mana ti woo, a si fay a ga tuka mane hala hassaray ma tee.