Wp/ses/Guuru hooray

Alfaritaray goo nda hooray kaŋ nd’i ga cere suli, ka cere gaaham kayandi bila goyoo ma kay, goyoo kaanandoo no, kaŋ ti guuru hooray, faarey ra a ga tee beerumaa waate, hanoo din beeri guuru dee nda goyoo ga tee, šaari si, boŋkoyney, alfarey kaŋ goo nda faari beeriyaŋ, batumayaŋ ga jamaa cee, i ma ngi faaroo beeri, boogu kaŋ ra koyraa borey ga kaa, koyrawey kaŋ ga taalamay ga kaa ceefooyaŋ, wooti zaari kaŋ ra arey ga cere bay, i ga cere alkadar bay, za subbaahi hal’aluula, wal’alaasar, hari katakey si hunanzam, moo sayakey ga saya, hawkaakey si kay, donkaa ga don, guurey ga tun cere bande, i ga zunbu cere bande, arey gandey ga hẽeni ka hẽe, kaatoo ga tee, wurroo si dunbu, sungay kaŋ ga doori darbawey bande, woo kul ra boro ga kay beerikey jinay ra kaŋ ga ceeci ka beeri guuru haamay k’a taa koyoo kone, a si faala, boro kul si yadda a ma tee nga ga, hattayaŋ ra a ga hin ka tee, boogoo ra boroyaŋ ga ngi guurey sarandi k’i dii beene, boro kul si yadda i ma bisa ni ga, yalaafanta fooyaŋ ga naaga wangaarey ga, woo ti gaaham kaya !

Zaaroo bande manšoo si dunbu, doonu boŋ beeroo goo, hawru nda ham zaari, kunji zaari zamanoo koy.