Wp/ses/Gunzuray

Gunzuray ga tee gungu kaŋ goo Gaawo Jiddara tenje isaa dumaa ga. Maawoo ka huru komin Gunzuray ga kaŋ war ga maa maayoo; a mana huru kominoo ga yaada ng’almaana ga bayrandi taarikey ra wani wani soŋay taarikoo. Gunzuray ga tee koyra alwaatoo woo ra kaŋ ra isaboro sorko nda alfari ga bara. Gunzuray woo nga ra Sooni baryey dirga beeroo goo, nee din no baryey kaŋ nd’I ga wangu ga hode, ne din no wangiize tejey ga bari kaaruyan denden, I ga bari waanay caw, I ga faham wangu se, gunzuray no baryey ga hima hima, I g’I gooji k’I soolu wangu se. war ga maa maayoo: “gu zuray” bari gu kaŋ ga zuru. Gunzuray ti kanfari boobo hunanzam dogoo, dabarey ga boobo kaŋ ga sanbandi nongoo din. Ay nee nda ni goo Jiddara ceesoo ra kul nga koyrayzoo kaŋ ng’a honnay gungoo ra ti Gunzuray.