Wp/ses/Gorgo biiruma

Ir ga doona ka gorgo biiri, alaada biiriyan, ir ma bay kaŋ gorgo cere cere biiruma ga tee goy mee beeri kaŋ ga boro boobo daŋ goy, alman beeri g’a ra, amma kala ni kaboo ma tiŋ, a si ganji boro kul ma nga k’aldaroo tee. Gorgo biiruma ga baa solumi, batuma kaŋ ra goyoo ga tee ma cina, a ma saku, a ma hennen, gorgey ŋaahayaa ma soolandi tasu here waani waani kotokoli ciraa, hamiisa koga wal’i tonanta kaŋ buburay, safari nda witamin ma si jaŋ. Nda boro baa koyra gorga biiruma, nga takaa si šendi; gorgo kaŋ ga biiri guuroo se goo noo, woo kaŋ ga biiri hamoo se goo noo, wey kala I ma hun mane gallu beerey ra (Bamako wala ɲamay). Ma lakkal daŋ heboo se, ma waani ka ni neere hayey fee otel koyey, arisitoraŋ koyey, batu soolukey nda ngi dirandikey, maamala buna koyey ga. Gorgo goo nda nooru, a ga hansa ka boro tee alman, nongey ra gorgaa wiroo ga day ka dumaraa boorandi; ir ma lakkal daŋ a se.