Wp/ses/Garbal

Garbal ga tee nongu wal'ir ma nee hebu kaŋ r'i ga adabaa neere, ir gaawoo laamaa ra, bilaali koyra garbaloo nda gaawo gundoo wanoo no ma hansa ka bayrandi hebu foo kul goo nda batuma kaŋ ra adabbaa ga neere sanda Forgo heboo, Hawsafulan heboo, Jeeboku heboo, hebu kul goo nda.

Hebey kaŋ waney cina ti  Bilaali koyra wanoo nda Gaawo gundoo wanoo, garbal kul goo nda komita kaŋ g'a juwal, i ga noorey kaŋ ga banandi adabba foo kul se dii borey ga, maamalakey taksoo moo i g'a dii, i ga tee komita kaŋ ng'i nda meeri ga goy, haw koyey ga bayrandi, i goo nda laasaabay. I ga koyrawey haŋakaarey nda ngi žeerey bay. I ga tee gaaranti neerakey nda daykey nda cere game. Alwaati kul kaŋ šenday tee, sennoo ga too hawkoyey wal'ir ma nee jillaney doo, a ma hansa nd'a na kabey hoo, sennoo ma koy meeri wal’a ma koy žandarmeeri wala zisitisi. Garbaley ganooru daŋ gumo meeri se.