Wp/ses/Garaasataray

Jamaa fahamoo ti garaasatray ga tee haya kaŋ ngi nd’adduɲaa daaru. Ir gandaa ra hanoo hane hala hõ garaasataray si hooray a goo nd’alkadar beeri, garaasey ka gandawey hooyandi hini ra; garaasataray goo nda nga dogoo, baani ma kaa, borey ma cere beerandi, boro kul ma ni key dogoo bay, borey ma cere sorhandi garaasataray ga t’a ra sabbu beeri. Ay ga garaasataray bay nda goyjinay teeyan, wangu jinay nda haya kaŋ ga hima, muraadu tee jinawey guuru ra, bundu ra, kuru ra, jinawey din no ma too alhaadimawey ma tee, borey hunaa ma hanga cere bande. Ir boro biitaray annaamoo hawgaykey ti garaasey, garaasey ga šalaŋ jamaa maɲoo ga, i ga jinehuney yaamar ka koy gomni ga, sorho ga, borcinitaray ga. Garaasataray goo nda fahami nda bayray kaŋ nd’i ga waafakay daŋ borey nda cere game. Ay ga garaasataray foo ay g’albarka daŋ i se.