Wp/ses/Gaawo zankey soogey ladaboo

A ga too jirbiyaŋ kaŋ Gaawo alsilaamataray konday beeroo kaŋ ti Usman Saala na jinde daŋ, a na tiira sanba Gaawo guwerneroo se kaŋ ti durkutuyan kul banda ga kaŋ soogey jinehuney na tee, addiina jinahuney na tee, alfagey ga waazu kondawey ga, amma kunahenay dirandi woo kul mana kate barmayyan beeri ma duwandi. Laasaaboo ti zankey ladaboo si waafaku nda koyraa annaamoo, isaborotaray ladaboo. Woo ti zankey hasara, i ga guna ka tee ceeyayey, teleewo gunaroo n'i dirŋandi woo kaŋ i n'a gar, hayragey mongu, biney ga maray nd'alhaloo, iboobaa ga dolo wala baji tana haŋ, i ga dorogu iri-iri haŋ, i ga šiiša cendi. Wey binde kul ti deray fondoyaŋ kaŋ ga hin ka kate hasaraw beeri laboo ra, dalil kaŋ ga kate meeri, wangu nda fitina wey kaŋ laala ga cindey hasara. Woo se alsilaamey kondaa boona kaŋ sennoo furganda guwerner jinoo ra kaŋ ti alhukum wakkil jinaa, laala a ma dabariyaŋ zaa hanseyan fondaa ra. Anniya, kunnahennay nda durkutuyan goo borey kul ga, i ma kate faaba daaboo ra.