Wp/ses/Gaawo alkaydoo alaada windiyan

Gaawo mana dirŋa ng’alaadawey, garhaya si hima ka fura, a ga hawgayandi jinahuney here, waani waani garaasey kaŋ ga tee annaamey nd’alaadawey lakkal daŋkey, I ga hima fondagoyyan, nd’albarka daŋyan. A goo gaawo alaadawey ra windiyanoo kaŋ gaawo alkaydoo g’a tee ciwsi jingar kul. A ga tee haya gayaa kaŋ zaa ganda ga alkaydey kaŋ ti larbu boŋkoyney kaŋ tee ka bisa g’a kayandi. Nda jingaroo ben sarjillaa ra gaday, alkaydoo nda nga jama garaasey ga tubaloo kar, baryey g’I bande, I ga hun sarjillaa ra ka duu gaday lotokoro hugoo lolaa ka koy seemi enpes here hal’I ma tenji nda šiifansoo, I ma doo nda maternite ka zunbu bulewaaroo ga k’a tee ka koy jiiray beeroo doo kaŋ s’I ga nee tombo asikiya. Hanoo din alkaydoo ga bara bari ga, zamanoo ra a ga bara moobil ra, garaasey ga wurru, I ga nga borcintaraa har, I g’a hongandi boro jinawey nda wangaarey. Windiroo ga ben jiiraa doo, batoo ma sey.