Wp/ses/Gaawo abatuwaaroo (faayahugoo)

Gaawo abatuwaaroo goo Bulgunje za gayyan, nee dinbno alwakkiltaray yamar waayakey se i ma adabbaa faawa, i g'a zaa nda torka, nda mooto ka kat'a yooboo ra nda neere dogey kaŋ goo fargandey ra, adabbaa kuroo nda šakuwaa ga cindi jendoo ra, alwaati fooyaŋ hewoo ga tun ka borey dorandi ka tonton kaŋ waayakawyaŋ goo no kaŋ si witirineerey batu ka wiya, ka hamoo zaa, wey gay i ga tee leebu goyoo fondaa ra. Irkoy tee manna ka kaa haraŋ kominoo duu faaba beeri kaŋ koy witadogoo din kaŋ ti abatuwar cinaroo fondaa ra a ma tee abatuwar kaŋ ga sorho, goyjinawey kul ma barand'a ra, abatuwar beeri kaŋ ga waafaku nda alkadaroo kaŋ kay zamanoo ra. Woo din ra, abatuwar tejoo cinaroo goo nga boŋ ga nga benroo mana mooru goyoo ga kaa ka tee nda kabakuna hennay, nd'ašaariya batuyan kominoo ma duu nafaw kaŋ ga huru saajawroo ra, nd'almušakkawey ra. Mer komin Gaawo na anniya zaa goyoo ma hanga cere bande, a ma tee nda fondaa, zillaa ma ben, zay ka adabba wiiyan nongu ra kaŋ mana ti abatuwar ma ben, Irkoy ma naatawey too.