Wp/ses/Forgo yooboo

Yoobu zeena no, a ga too jiiri woydu, haabaroo ga jin, hari kaŋ ga haŋ jaŋay, hari hiyey mooru ka fandiroo, jinaa zaayanoo šendaa, ka too heboo ma gana ka kaa jendoo ra, sohõ dogoo kaŋ r'a goo. Hebu beeri no kaŋ ra komin boobo, maamalakey ga cere kubay ka ng'almaanoo ka,willi ka bere ka marga nda koyraa borey, ka ngi hunaa ceeci, hebu no kaŋ goo nda nafaw beeri, kominoo wakiiley nda koyraa jinahuney nda soogey nda woyey kondawey ga kookariyan kul tee heboo ma beeri, a ma cina ka tonton, a ma sorho, kaakey ma boobo, biney ma kan. Asibtoo ti Forgo heboo moobiley ga kaa, hari hiyey, pinaasey, barbaritaawey, torkawey kul ga kaa, i ga boro nda jinay luulu ngi kaaroo nda ngi koyyanoo ga. Adabbaa, hamiisaa, tuuroo, denjoo dumarayzoo, gorgaa, ŋaaroo nd'i boobo ga huru nda baayan. Kominoo kaŋ ti meeri na boroyaŋ daŋ kaŋ ga saalawey dii kaŋ ga huru cinaroo fondaa ra.