Wp/ses/Forgo lokkoloo

Forgo lokkoloo ga tee lokkol kaŋ ra zanka woy nd’aru boobo dii sigira, i boobo duu šahada kaŋ r' i wan goy. Borey kaŋ caw Forgo lokkoloo ra hayayaŋ tee wakkil beeriyaŋ Maali ra, a g' i r'Abuzaydi Usman kaŋ tee muše beeri, a tee onoorabile deepite Maali asambule naasiyonal nd’i boobo. Direkiter jinaa ti Bonzay Tuure irkoy ma hinn'a ga; Forgo lokkolo mana sintin kala 1960 annasaarey zamanoo ra sekiteroo koyrawey kul izey si kaa kala Forgo, nga banda ga hamakulaaji lokkoloo tee.

Hanoo din gaabi no ma kate borey ma ngi zankey sanba lokkol, borey si baa annasaara cawoo, zam’i ga dii kaŋ cafaritaray g’a ga borey ka koy, woo se cawkaa mana boobo ka duu alkadaroo kaŋ a ga hima. Hõ, Forgo lokkoloo goo nda senday boobo haya banda ga kaŋ borey faham cawyan see, I dii cawroo nafawey, woyey nd'arey kul na jine tee cawoo se, a goo sendawey ra, cawandi muše, woo ga tee haya kaŋ ga cawoo nakasi, tammaasaa ti zankey kaŋ ga duu deefoo (DEF) ka koy liise, sii nda bayray, i g’i gaaray ngi bayray kaccaa se, i boobo ga gaza, i si hin ka bisa.

A ga hima koyraa borey, hinoo ma lakkal daŋ goyoo ma tee nda fondaa.